Söngvarinn Jason Derula komst í kast við lögin í Las Vegas á dögunum eftir að hafa lent í slagsmálum.
Samkvæmt myndböndum sem vitni tóku hófust átökin á því að karlmaður kallaði í átt að Jason: „Hey Usher. Fokkaðu þér tíkin þín.“
Eins og margir vita þá er Usher frægur tónlistarmaður. Hann er hins vegar ekki Jason Derulo. Ekki er víst hvort að umræddur maður hafi viljandi ruglað tónlistarmönnunum saman eða ekki. Hins vegar er ljóst að Jason varð ekki sáttur.
Jason hljóp að manninum og kýldi hann niður þar til lífverðir ásamt vitnum stigu inn og reyndu að aðskilja mennina.
Annað myndband frá kvöldinu sýnir svo að Jason var færður í járn og vísað út af hótelinu þar sem átökin áttu sér stað. Honum var í kjölfarið meinað að koma þangað aftur.