Olivia Gomez, 26 ára kona frá Warrington á Englandi, lenti í ansi vandræðalegu atviki þann 3. ágúst síðastliðinn. Olivia hafði nýlega fengið nýja nágranna og var að fara út með ruslið þegar hún hitti þá í fyrsta skiptið. Þessi fyrstu kynni fóru samt ekki alveg eins og hún ætlaði sér.

Þegar Olivia sá nýju nágrannana sína byrjaði hún að tala við þá um byggingaverktakana sem höfðu lagt bílnum sínum „hræðilega“ í götunni. Þá lyfti hún fyngri sínum og benti á bílana sem voru lagðir svona illa. Olivia hélt á ruslapoka í hendinni sem hún benti með en pokinn festist í kjólnum hennar og lyfti honum upp. Nýju nágrannarnir fengu því að sjá ansi mikið af þessum nágranna sínum við fyrstu kynni.

Olivia var fljót að grínast með þetta og nýju nágrannarnir hlógu með henni. „Mér leið alveg skelfilega en ég reyndi að láta á engu bera og halda bara áfram eins og ekkert hefði gerst. Sem betur fer voru þau alveg yndislegt og hlógu bara að þessu,“ segir hún. „Þau höfðu bara flutt inn í húsið fyrir einum degi eða svo, þannig þetta var í fyrsta skiptið sem ég hitti þau. Eftir þetta þá henti ég ruslinu mínu og faldi mig svo frá þeim í viku.“

Það hafa eflaust margir átt vandræðaleg augnablik en það sem gerir þetta augnablik sérstakt er að það náðist á myndband. Olivia er nefnilega með myndavél á dyrabjöllunni sinni sem tók upp atvikið. Fjölmargir fjölmiðlar á Englandi hafa fjallað um þetta augnablik hennar og birt myndbandið sem vakið hefur mikla athygli.