Kara og Viktor ræða kynlíf utan svefnherbergisins í nýjasta þætti Átján Plús. Átján Plús er hlaðvarp í þeirra umsjá sem fjallar um klám og kynlíf en parið er á OnlyFans og kallar sig þar LoveTwisted og Mr. Love Twisted.
Í þættinum fara þau yfir niðurstöður rannsóknar um hvar fólk stundar helst kynlíf þegar það stundar kynlíf utan svefnherbergisins og hversu oft það stundar kynlíf í mánuði.
„Það kom kannski ekki á óvart að stofan er langvinsælasta rýmið utan svefnherbergisins til að stunda kynlíf. Góður sófi og mjúkir púðar spila þar líklegast sterkt inn í,“ segir Viktor.
Baðherbergið, þvottahúsið og eldhúsið voru einnig ofarlega á blaði.
„Rannsóknin sýndi að þau pör sem stunda kynlíf utan svefnherbergisins gera það að meðaltali 10,9 sinnum í mánuði, en þau sem eru einungis upp í rúmi gera það aðeins 5,8 sinnum,” segir Kara.
Í þættinum velta þau fyrir sér hvaða mögulegu ástæður gætu legið þar að baki.
„Það sýndi sig líka að fólk var ánægðara í sambandinu sínu, og miklu ánægðara með kynlífið sitt almennt ef það stundaði kynlíf á fleiri stöðum. Okkur þótti það mjög merkilegt.“
Parið fór einnig yfir vinsælustu staðina utan heimilisins í þættinum, en allan þáttinn er hægt að hlusta á í spilaranum hér að neðan.