Athafnamaðurinn Sigmar Vilhjálmsson, eða Simmi Vill eins og hann er betur þekktur, veit hvaða fólk hann vill að stjórni landinu.
Í nýjasta þætti Blökastsins nefnir hann fimm stjórnmálamenn sem hann segist treysta til að stjórna landinu. Vísir greinir frá.
Simmi hefur verið að blanda sér í pólitík með þáttum sínum Þrasað á þriðjudögum. Í fyrsta þætti fékk hann til sín Bjarna Benediktsson, fjármálaráðherra, og vakti spjall þeirra talsverða athygli.
Sjá einnig: Simmi Vill og Bjarni Ben tókust á – „Ég er ekkert að skrökva því Bjarni“
Þáttastjórnendur Blökastsins báðu Simma um að velja fimm einstaklinga sem hann telji þessa stundina hæfasta í að stjórna landinu.
Hann valdi Kristrúnu Frostadóttur, Ásmund Einar Daðason, Sigurð Inga Jóhannsson, Þorgerði Katrínu Gunnarsdóttur og Áslaugu Örnu Sigurbjörnsdóttur.
„Ég myndi hafa Kristrúnu í þeim hópi. Mér finnst hún algjör rokkstjarna,“ segir Simmi.
„Mér finnst Ásmundur Einar hafa staðið sig fáránlega vel, barnamálaráðherra, og ég hef miklar mætur á honum. Ég held að hann sé algjörlega hluti af framtíð í pólitíkinni.“
Hlustaðu á Simmi útskýra af hverju hann myndi velja þessa hina þrjá einstaklingana í spilaranum hér að neðan.
Hvað segja lesendur, hvaða fimm einstaklinga teljið þið þessa stundina hæfasta í að stjórna landinu?