Glæsileg íbúð í Vesturbænum, sem auglýst er til sölu, hefur vakið athygli áhrifavalda fyrir að afar óvenjulegt eldhús. Um er að ræða eldhús í rúmlega 134 fermetra íbúð í Sörlaskjóli en kaupverð eignarinnar er 94 milljónir króna.
Eldhúsið er sagt svo stílhreint að það minni helst á skurðstofu, svo vitnað sé í orð Eddu Falak. „Ég hata þetta svo að ég næstum því elska þetta,“ skrifar baráttukonan.
Eldhús í Sörlaskjóli… wtf? pic.twitter.com/XZTpi6nbJ7
— Pétur Vilhjálmsson (@PVilhjalmsson) September 20, 2021
Skoðanir netverja eru afar skiptar. Einhverjum fannst eldhúsið persónuleikalaus á meðan aðrir höfðu áhyggjur af vinnu- og skápaplássi. Þá benti einn netverji á að eldhúsið væri rándýrt, áætlaður kostnaður um 3 milljónir króna, og að hans mati væri það ekki fallegt. Nokkru síðar hafði sá sami skipt um skoðun. „Eða. Þetta vinnur hratt á eftir því sem ég skoða þetta betur.“