Leikkonan Dóra Jóhannsdóttir kom gestum á spunasýningu Improv Iceland rækilega á óvart þegar hún bað kærasta sinn, flugmanninn Egil Egilsson, um að giftast sér. Smartland greindi fyrst frá.
Improv Iceland greina frá þessari skemmtilegu uppákomu á Instagram.
„Við biðjum stundum áhorfendur um að skrifa leyndarmál á miða sem við lesum upp og spinnum út frá. Dóra las síðasta leyndarmál kvöldsins: „Egill, viltu giftast mér?”
Við vissum ekkert, hann vissi ekkert, áhorfendur vissu ekkert en vá þetta var geggjað!“
Dóra skellti sér á skeljarnar og var Egill ekki lengi að stökkva upp á svið og kyssa unnustu sína.
Egill og Dóra opinberuðu samband sitt á Facebook í ágúst. Fókus óskar þeim til hamingju með trúlofunina.