Kynlífstækjaverslunin Blush framkvæmdi könnun á Instagram í gær. Verslunin er með yfir 18 þúsund fylgjendur á Instagram og svara að jafnaði fjögur til fimm þúsund manns hverri spurningu.

Blush birti niðurstöðurnar fyrr í dag og gætu þær komið þér á óvart.

Vinsælt að stunda kynlíf á skrifstofu

Tæplega 700 manns sögðust hafa stundað kynlíf í flugvél. 630 manns sögðust hafa stundað sjálfsfróun á almannafæri og rúmlega 820 manns sögðust hafa stundað kynlíf í líkamsræktarstöð.

Líklegast eru mest óvæntu niðurstöðurnar þær að rúmlega 2800 manns sögðust hafa „sofið hjá á skrifstofu“.

Ríflegur meirihluti þátttakenda viðurkenndi að hafa sofið hjá í foreldrahúsum, rúmlega fjögur þúsund manns.

Þegar kemur að því að stunda kynlíf á túr svöruðu 59 prósent játandi, eða um þrjú þúsund manns, og 41 prósent neitandi, um 2200 manns.

74 prósent svarenda sögðust vera með einhvers konar fantasíu en 26 prósent svaraði neitandi. Um 1500 manns sögðust hins vegar ekki þora að segja maka sínum frá fantasíunni.

Fólk virðist vera almennt hrifið af því að stunda kynlíf utandyra. 86 prósent svarenda, eða um 4400 manns sögðust vera hrifnir af því.