Fólk hefur verið ósammála um það frá örófi alda hvort það sé þægilegra að sofa í fötum eða án þeirra. Læknir nokkur sem hefur vakið mikla athygli á samfélagsmiðlinum TikTok vill meina að fólk ætti aldrei að sofa nakið. 

Læknirinn sem um ræðir heitir Anthony Youn en í myndbandi sem hann birti á TikTok segir hann fólki að hætta að sofa nakið. Ástæðan kemur eflaust flestum á óvart en Anthony segir að það sé óhreinlegt að sofa án klæða. Hann heldur því fram að meðal manneskjur prumpi 15-25 sinnum á dag og þess vegna eigi fólk ávallt að klæðast að minnsta kosti nærbuxum þegar það fer að sofa.

„Þú getur líka prumpað þegar þú ert sofandi. Í rannsókn sem var gerð var það sannað að í hvert skipti sem þú leysir vind þá kemur út pínku magn af saur,“ segir Anthony í myndbandinu. „Í sömu rannsókn kom fram að nærbuxurnar grípi þessar agnir, svo vinsamlegast sofið í nærfötum, fyrir þá sem sofa með ykkur.“

Myndbandið hefur vakið gífurlega athygli en það hefur fengið milljónir áhorfa og miklar umræður hafa myndast í athugasemdunum við það. „Ég og eiginmaður minn munum bara halda áfram að kúka á hvort annað,“ segir í einni athugasemdinni. „Þú ert ekki að fara að breyta mér,“ segir í annarri athugasemd.

Nokkrar konur benda þá á að læknarnir þeirra hafi sagt þeim að sofa naktar og að það hjálpi heilsu þeirra þegar kemur að kynfærunum. Anthony bregst við því og segir að ef læknarnir þeirra segi þeim að sofa naktar þá ættu þær að gera það. „En strákar – klæðið ykkur í nærbuxurnar áður en þið farið að sofa.“

@tonyyounmdWhy you should never sleep without underpants! ##learnontiktok ##tiktokpartner ##sleep ##shart ##fart♬ Pumpkins – Clutch