Ingólfur Valur Þrastarson og Ósk Tryggvadóttir vöktu mikla athygli fyrr á þessu ári þegar þau mættu í hlaðvarpsþáttinn Eigin konur og ræddu um starf sitt en þau vinna bæði sem OnlyFans-stjörnur. Þau Ósk og Ingólfur starfrækja bæði hvort sína síðuna á OnlyFans og selja þar kynlífsmyndir og myndbönd.
OnlyFans er síða sem gerir notendum kleift að selja efni sitt til áskrifenda gegn mánaðarlegu gjaldi. Algengasta efnið þar er án efa nektar- og kynlífsefni en það er þó ekki það eina sem dregur fólk að síðunni. Yfirleitt er efnið þó á einhvern hátt kynferðislegt.
Líkt og margt annað fólk sem starfrækir aðgang á OnlyFans eru þau Ingólfur og Ósk afar virk á samfélagsmiðlinum Twitter. Ólíkt öðrum samfélagsmiðlum leyfir Twitter nekt og birtingu á kynlífsmyndum og myndböndum. Ingólfur, Ósk og aðrar OnlyFans-stjörnur nýta sér því miðilinn óspart til að auglýsa sig og sitt efni.
Ingólfur birti á dögunum færslu þar sem hann auglýsir nýjasta myndbandið á OnlyFans-síðunni sinni. Með færslunni birtir hann stiklu úr myndbandinu þar sem sjá má Ingólf og Ósk að stunda kynlíf utandyra. „Nýtt myndband með Ósk kemur út í kvöld,“ skrifar Ingólfur í færslunni. „Reið þessari tík á almenningsstað og við vorum gripin glóðvolg.“
Í auglýsingu fyrir myndbandið á OnlyFans-síðu Ingólfs kemur fram að það er tekið upp í Vestmannaeyjum. „Ósk er riðið utandyra í Vestmannaeyjum rétt hjá litlum álfahúsum,“ segir Ingólfur í auglýsingunni.
„Ég sést alveg stundum“
Í hlaðvarpsþættinum töluðu þau Ósk og Ingólfur um þá sem horfa á myndböndin þeirra á OnlyFans. Þau sögðu að markaðurinn væri mjög svipaður hjá þeim báðum, helsti markhópurinn þeirra er gagnkynhneigðir karlmenn.
Ingólfur sagði þá að hann væri alltaf með öðrum stelpum í myndböndunum og myndunum sem hann deilir á sinni síðu, þau sögðu að hann gæti ekki fengið það sama úr síðunni ef hann væri bara einn. Ósk sagði hins vegar að hún geti verið ein, það sé mun vinsælla að stelpur séu einar heldur en strákar á síðunni.
„Ég sést alveg stundum,“ segir Ingólfur en bætti við að flestir af hans fylgjendum vilja ekki sjá hann í því sem hann deilir á síðunni. „Ég segi þetta alltaf, ég er bara prop,“ sagði Ingólfur og átti þá við að hann sé nokkurs konar fylgihlutur í efninu sem er deilt.
