Hin virta karakterleikkona Margo Martindale er stödd á Íslandi. Hún fagnaði 35 ára brúðkaupsafmæli sínu með eiginmanni sínum William Boals á Snaps Bistro í gær. „35 ár og ennþá að telja. Elska þig Bill! Til hamingju með brúðkaupsafmælið,“ skrifaði Margo með mynd af sér og Bill sem hún birti á Instagram-síðu sinni í gær.
View this post on Instagram
Þetta er þó ekki eina myndin frá Íslandi sem Margo er búin að birta á Instagram-síðu sinni. Í gær birti hún afar skemmtilega mynd af sér með óopinberan þjóðarrétt Íslendinga, pylsu með öllu. Svo virðist vera sem karakterleikkonan hafi fengið sér tvær pylsur í brauðið og sett á þær bæði remúlaði og sinnep. Líklega hefur hún fengið sér tómatsósu og annan laukinn eða jafnvel báða undir pylsurnar tvær.
View this post on Instagram
Margo Martindale verður eflaust seint talin sem ein frægasta leikkona heims en hún er þó afar vinsæl í ákveðnum hópi, hópi þeirra sem hafa horft á Netflix-þættina Bojack Horseman. Þar leikur hún ýkta útgáfu af sjálfri sér og vakti það hlutverk hennar mikla lukku. Í þáttunum fékk hún titilinn „hin virta karakterleikkona“ (e. esteemed character actress). Margo hjálpaði aðalpersónu þáttana, Bojack, reglulega að framkvæma einhver svikabrögð og glæpi.