Fegurðardrottningin og athafnakonan Manuela Ósk Harðardóttir nýtur nú lífsins með ástinni sinni, kvikmyndaframleiðandanum Eið Birgissyni, í sólinni á Tenerife. Til að fylgjendur hennar sem fastir eru hér í grámyglunni á Íslandi geti notið sólarinnar með þeim skötuhjúum hefur Manuela verið dugleg að deila myndum og myndskeiðum frá ferðalaginu í gegnum Instagram.
Athygli vakti fallegt bikiní sem Manuela klæddist í dag og fékk hún spurningar úr sal um hvaðan téðar flíkur kæmu.
Kom þá á daginn að Manuela hefur ekki hugmynd um upprunan, en Eiður valdi það og keypti í gegnum ónefnda netverslun og hefur ekki deilt með konu sinni hver sú verslun er.
Manuela stendur nú í ströngu við að ná sér í lit í sólinni og kallar sjálfa sig því Tanuelu. Henni hefur þó samkvæmt Instagram-hringrás hennar tekist að brenna aðeins, þrátt fyrir að nota sólarvörn með styrknum 50.
Blaðamanni DV hefur ekki tekist að brenna þetta sumarið á Íslandi þrátt fyrir að nota aðeins sólarvörn með styrknum 0, eða það semí daglegu tali kallast dagkrem. En það er víst ekki fallegt að vera öfundsjúkur svo Fókus sendir ástfangna parinu sólarkveðju til Tene.
