Breski fjölmiðlamaðurinn Piers Morgan hefur ekki farið í launkofa með óbeit sína á hertogaynjunni Meghan Markle og eiginmanni hennar Harry Bretaprins og hefur nýtt hvert færi á að koma höggi á hjónin síðan þau sögðu skilið við konunglegar skyldur sínar í ársbyrjun 2020.
Fjölmiðlar hið ytra greindu frá því í gær að hertogahjónin hafi íhugað að nafngreina meintan rasista innan konungsfjölskyldunnar þegar þau stigu fram í umdeildu viðtali hjá spjallþáttadrottningunni Opruh, en því er haldið fram í bókinni Finding Freedom sem fjallar um hertogahjónin. Rétt er að taka það fram að umrædd bók var skrifuð í óþökk hjónanna og hafa þau þvertekið fyrir að hafa haft nokkuð með hana að gera.
„Jæja þá, huglausu merðirnir ykkar – nefnið þennan meinta konunglega rasista og leyfið þeim að sara fyrir sig. Ellegar eruð þið bara áfram að kasta rýrð á alla fjölskylduna,“ skrifar Piers á Twitter.
Go on then, you gutless weasels – name the supposed Royal racist and let them respond. Otherwise you continue to smear the whole family.
👇 pic.twitter.com/qRgzsIJJTr— Piers Morgan (@piersmorgan) August 25, 2021
Netverjar virðast þó nokkrir vera komnir með nóg af árásum Piers á hjónin. Einn skrifar:
„Gaur, er ekkert annað í gangi í lífinu þínu sem þú getur einbeitt þér að? Láttu þetta fólk vera. Fyrir utan það að þú ert ekki einu sinni meðlimur í fjölskyldunni“
„Hættu að afsaka rasisma og fordóma. Í þessari fjölskyldu, sem auðgaðist á aldarlöngu þrælahaldi, nýlendustefnu og hafði áhyggjur af því hversu dökkt ófæddur svartur fjölskyldumeðlimur gæti orðið, gætu mjög líklega leynst raistar,“ skrifaði annar.
Talið er að andúð Piers á hertogahjónunum, einkum á Meghan, megi rekja til þess að Meghan hafi fengið sér nokkra drykki með Piers á knæpu nokkurri áður en hún trúlofaðist Harry. Þar hafi þeim komið mjög vel saman. Sama kvöld hafi hún svo hitt Harry. Síðan hafi Meghan aldrei haft samband við Piers aftur og tók hann það óstinnt upp.
