Það virðist vera nóg að gera hjá slúðurmyllunni þessa dagana. Þrálátur orðrómur hefur dreifst út um að athafna- og áhrifavaldaparið Tanja Ýr Ástþórsdóttir og Egill Fannar Halldórsson væru hætt saman. Þannig bárust DV ábendingar um að sambandið væri búið og meðal annars bent á að parið hefði ekki lækað færslur hvors annars á samfélagsmiðlum í nokkrar vikur.
Í stuttu samtali við Egil vísar hann því alfarið á bug og segir að aðeins um orðróm um að ræða eins og áður. Þetta er nefnilega ekki í fyrsta sinn sem fólk heldur að þau hafi sagt skilið við hvort annað. Þannig hefur Tanja Ýr í nokkur skipti þurftað gefa út yfirlýsingar í Story á Instagram vegna fjölda spurninga frá fylgjendum sínum um sambandsstöðu þeirra.
Tanja Ýr og Egill eru bæði metnaðarfullir einstaklingar sem reka sitthvort fyrirtækið. Þau eru dugleg að ferðast erlendis saman en einnig í sitthvoru lagi og virðist það oftast vera uppspretta orðrómsins.
Í þetta sinn var það vegna þess að Tanja og Egill fluttu saman í smábæ í Tyrklandi í byrjun árs og dvöldu þar í nokkra mánuði. Þaðan ferðaðist Tanja Ýr til vinkonu sinnar og viðskiptafélaga, Kolbrúnar Elmu, í Miami en Egill var eftir í Tyrklandi. Hann hélt svo til Íslands með stuttri viðkomu í Portúgal.
Tanja Ýr og Egill hafa verið saman í mörg ár og er augljóst að þau geta elt drauma sína bæði saman og í sitthvoru lagi.
Aðspurður hvort honum þykir það ekki þreytandi að lenda svona oft í klóm kjaftasaga svarar Egill neitandi. „Ég kippi mér ekkert upp við þetta,“ segir hann.