Hópurinn Dropouts er samansafn af breskum Youtube-stjörnum og gera þeir reglulega myndbönd saman. Þeir eru með 127 þúsund fylgjendur á vefsíðunni og fá reglulega um og yfir 100 þúsund áhorf á myndbönd sín.
Á dögunum gáfu þeir út lag sem ber nafnið „F*CK BORIS“ en téður Boris er Johnson og er forsætisráðherra Bretlands. Þeir rappa um stjórnmálamanninn og segja að honum sé alveg sama um fólkið í landinu. Meðal annars kalla þeir Boris barnaperra.
„Fuck Boris man, he don’t care about us. He touches kids, bro that’s sus,“ segir í laginu en á íslensku myndi það vera: „Fokk Boris, honum er sama um okkur. Hann snertir börn, gaur það er grunsamlegt“
Í erindi Youtube-arans Manter talar hann mikið um Madeleine McCann en hún týndist þegar hún var í fríi í Portúgal með fjölskyldu sinni þegar hún var aðeins tæplega fjögurra ára.
„McCann lost her Snapchat streaks, I’m just saying if she’s still alive, I’m clapping on them cheeks,“ segir hann og gefur í skyn að skildi hún vera á lífi myndi hann vilja sofa hjá henni.
Lagið er með yfir 170 þúsund áhorf þegar þetta er skrifað og hafa 13 þúsund manns „like-að“ myndbandið.