fbpx
Fimmtudagur 16.september 2021
Fókus

Íslendingar furða sig á ákvörðun Nökkva: Kallaður hálfviti og trúður – Auddi Blö skýtur harkalega á hann

Máni Snær Þorláksson
Þriðjudaginn 27. júlí 2021 16:09

Myndin er samsett.

Ekki missa af Helstu tíðindum dagsins í pósthólfið þitt

Lesa nánar

Nökkvi Fjalar Orrason, athafnamaður og frumkvöðull, hefur ekki látið bólusetja sig gegn Covid-19 og ætlar ekki gera það. Nökkvi opnaði sig um þetta á Instagram-síðu sinni í gærkvöldi þegar hann bauð fylgjendum sínum að spyrja sig að hverju sem er.

Einn fylgjandi Nökkva spurði hann hvaða bóluefni hann hafi verið bólusettur með en þá sagðist Nökkvi ekki hafa ekki þegið bólusetningu. Hann segir að ástæðan fyrir því sé sú að hann hafi lesið sig til um málið og taldi að það væri best fyrir hann að sleppa því.

„Þetta er viðkvæmt mál og er inboxið mitt fullt af spurningum. Flott að svara þessu hér. Ég er ekki á móti bólusetningu og skil þá sem hafa farið. Ég las mig vel til um þetta og kynnti mér málið. Niðurstaða mín var að kýla ekki á bólusetningu. Ég veit alls ekki öll svörin en ég taldi þessa ákvörðun besta að þessu sinni. Ég vinn að heilsu minni 24/7 og tel það mína samfélagslegu ábyrgð,“ sagði Nökkvi þegar annar fylgjandi spurði hann hvers vegna hann hafi ekki farið í bólusetningu.

Ákvörðun Nökkva hefur vakið afar mikla athygli en hún hefur fallið í nokkuð grýttan jarðveg hjá íslenskum netverjum á samfélagsmiðlinum Twitter. Þar hafa margir skotið harkalega á Nökkva fyrir ákvörðunina hans. Á meðal þeirra sem skjóta á Nökkva er fjölmiðlamaðurinn og skemmtikrafturinn Auðunn Blöndal, sem yfirleitt er kallaður Auddi Blö.

Auddi svaraði færslu sem Jón Bjarni, einn vinsælasti Twitter-notandi landsins, birti en í svarinu bendir Auddi á að allir meðlimir þáttanna 70 mínútna séu bólusettir. Þá skýtur hann á Nökkva og segir að hann hafi nú hermt eftir 70 mínútum áður en Nökkvi var duglegur að sækja innblástur í þeirra efni þegar hann framleiddi efni fyrir efni sem Áttan gaf út á sínum tíma. Svar Audda vakti gríðarlega lukku hjá netverjum á Twitter.

Fleiri skutu á Nökkva í færslum á Twitter og enn fleiri furðuðu sig á ákvörðun hans, sumir furða sig sérstaklega á henni í ljósi þess að hann opnaði sig um að hafa neytt ofskynjunarsveppa fyrr á árinu. „Með svona sveppum trúi ég því að það sé ekki annað en hægt að fá eitthvað gott út úr þessu, þrátt fyrir að upplifunin sé slæm þá er þessi upplifun að fara að kenna þér eitthvað gott ef þú nýtir það,“ sagði Nökkvi þegar DV ræddi við hana um ofskynjunarsveppina fyrr á árinu.

Margir velta því þá fyrir sér orðum Nökkva um að hann sé að taka samfélagslega ábyrgð með því að fara ekki í bólusetningu.

Hér fyrir neðan má sjá meira sem fólk á Twitter hefur að segja um ákvörðun Nökkva. Hann er meðal annars kallaður hálfviti og trúður fyrir að bólusetja sig ekki.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Matur og heimili: Leyndardómar 20&sjö Mathús bar og draumagarður afhjúpaður

Matur og heimili: Leyndardómar 20&sjö Mathús bar og draumagarður afhjúpaður
Fókus
Í gær

Tók ekki við verðlaununum því hún var upptekin við að stunda kynlíf

Tók ekki við verðlaununum því hún var upptekin við að stunda kynlíf
Fókus
Fyrir 4 dögum

Sakamál: Morðið kom upp um framhjáhald prestsins – Morðinginn hélt hjartnæma ræðu í jarðarförinni

Sakamál: Morðið kom upp um framhjáhald prestsins – Morðinginn hélt hjartnæma ræðu í jarðarförinni
Fókus
Fyrir 4 dögum

Þetta þarftu að vita áður en þú ferð í trekant – Fjórar mikilvægar reglur

Þetta þarftu að vita áður en þú ferð í trekant – Fjórar mikilvægar reglur