Það er ekki hægt að trúa öllu sem maður sér á Netinu og netverslun fylgir alltaf ákveðin áhætta. Þá ertu að treysta því að það sem þú sérð á myndum sé nákvæmlega það sem þig langar í eða vantar.
En það er ekki alltaf svo. Sem betur fer. Því hvað er betra en að sjá aðra deila hlægilegum netverslunarmistökum? Sennilega ekkert.
Uppblásin sundlaug
Hin 11 ára Amy bað móður sína um uppblásna sundlaug til að kæla sig niður í sumarhitanum. Móðir hennar Claire ákvað að verða við þeirri beiðni og trúði varla heppni sinni þegar hún fann slíka laug á kosta verði á Netinu. Fyrir rétt rúmar tvö þúsund krónur. Þegar sendingin barst skildi Claire þó fljótlega hvers vegna laugin var svona ódýr.
Voldemort gríma
Rosi frá Ástralíu ákvað að klæða sig upp sem Voldemort – vondi galdrakarlinn úr Harry Potter – í búningapartý. Hún fann slíka grímu sem kostaði rétt rúman þúsund kall og stökk á tækifærið. Hins vegar má velta fyrir sér hvaða fyrirmynd grímugerðarmaðurinn studdist við, en það hefur án efa ekki verið Voldemort eins og hann birtist í kvikmyndunum um Harry Potter.
Grá kápa
Chellce frá Stockport ákvað að gera vel við vinkonu sína og pantaði fyrir hana gráa kápu á tæpar fimmtán þúsund krónur. Hins vegar virðist hún í kaupbæti hafa fengið merkingu á kápuna sem var ekki bara grá heldur líka skreytt tilviljunarkenndum orðum sem virðast koma frá matseðli.
Ekki alveg eins og á myndinni
Hin 18 ára Lauren ákvað að kaupa sér vel þröngan bleikan kjól til að klæðast í Barbie-þemapartý. Fyrir það borgaði hún um fjögur þúsund krónur í netverslun. En það sem hún fékk var ekki það sem hún taldi sig vera að kaupa.
Hlutföllin ekki alveg í lagi
Ein kona vildi gera vel við sig og pantaði sér það sem hún taldi vera gullfallegan og glaðlegan sumarkjól sem skreyttur er með flamíngó-fuglum. Hins vegar virðist aðilinn sem saumaði kjólinn hafa verið drukkinn í vinnunni.
Síðbolur
Einn maður ákvað að panta sér efnislítinn hlýrabol til að flagga vöðvunum. Það sem hann fékk virðist þó heldur vera kjóll.
Samfestinga-feill
Ein kona sá gullfallegan samfesting á netinu. Svartan og kvenlegan með útvíðum skálmum. Hins vegar fékk hún eitthvað sem minnir fremur á eróbikgalla.