Kynlífssérfræðingurinn Kate Taylor hefur gert lista með sjö hlutum sem benda til þess að karlmenn séu góðir í rúminu. Hún birti listann hjá The Sun á dögunum.
Í góðu formi
Karlmenn sem eru í góðu formi eru líklegri til að hafa meira þol, fá oftar holdris og geta þeir farið í fleiri kynlífsstellingar en flestir. Það þýðir þó ekki að karlmenn sem ekki eru í góðu formi geti ekki stundað gott kynlíf einungis að líkamleg heilsa hjálpi til.
Tala hratt
Til að tala hratt þarf að vera ansi lipur í tungunni og getur það nýst vel í kynlífi. Þá eru þeir sem hafa gert öndunaræfingar eða stundað sund með góða öndun sem skiptir einnig máli í kynlífi.
Fyrstur á dansgólfið
Ein af bestu leiðunum til að átta sig á því hvort karlmaður sé góður í rúminu eða ekki er að fylgjast með honum dansa. Ef hann er með góðar mjaðmahreyfingar ætti hann að geta speglað hreyfingarnar í rúminu. Ef hann er fyrstur á dansgólfið í öllum partíum þá er líklegt að hann sé öruggur með dans sinn og veit að hann er að sýna sínar bestu hliðar.
Google-ar hvernig á að gera hluti
Þegar menn kunna ekki hvernig á að gera eitthvað, til dæmis þegar lekur úr vaskinum, eiga það margir til að hringja í pípara eða frænda sinn sem kann að gera hlutina. Aðrir Google-a hvernig á að redda málunum og eru þeir sem gera það líklegri til að leita hjálpar á Google fyrir svefnherbergið.
Eldar án þess að nota uppskrift
Ef karlmenn elda án þess að nota uppskriftir og kjósa frekar að reyna að finna upp á einhverju einstöku sjálfir, er líklegt að þeir reyni það sama í svefnherberginu. Þó það gangi ekki alltaf fullkomlega er gott að þeir taki að minnsta kosti áhættuna og eru ævintýragjarnir í eldhúsinu og í rúminu.
Horfa á gamanþætti
Þeir sem horfa á gamanþætti eru líklegast með gott skopskyn. Ef þeir eru með gott skopskyn eru þeir líklegri til að vera djarfir í svefnherberginu og finnst það ekki vandræðalegt ef eitthvað fer úrskeiðis. Þá líður þér betur með þeim og stundin verður betri.
Hvatvísir
Þeir sem eru hvatvísir og eru gjarnir á að finna upp á hlutum til að gera á seinustu stundu geta verið frábærir elskendur. Þeir halda þér alltaf spenntri/spenntum og þegar þeir eru hvatvísir eru þeir einnig gjarnir á að prófa eitthvað nýtt í svefnherberginu.