Sjá Suðurland er heitið á nýjum ferðaþáttum sem hefja brátt göngu sína á sjónvarpsstöðinni N4. Á þáttunum eru æskuvinkonurnar Ásthildur Ómarsdóttir og María Finnbogadóttir að ferðast um suðurhluta Íslands og lenda í ævintýrum saman.
Aðdáendur sjónvarpsstöðvarinnar N4 þekkja eflaust Ásthildi vel en hún hefur komið nálægt ýmissi dagskrárgerð á stöðinni á undanförnum árum.
Æskuvinkona hennar, María Finnbogadóttir, er atvinnuskíðakona og býr í Austurríki. Þetta er ekki fyrsti ferðaþáttur þeirra Ásthildar og Maríu en þær gerðu einnig skemmtilega ferðaþætti í fyrra fyrir N4 í sem hétu Vá Vestfirðir. Eins og nafnið gefur til kynna ferðuðust vinkonurnar um Vestfirðina í þeim þáttum.
„Í nýju þáttunum, „Sjá Suðurland”, ferðast þær stöllur um Suðurlandið og leita uppi skemmtilega hluti til þess að gera. Á ferðalaginu ögra þær sér á ýmsan máta, fara meðal annars í zipline, á fjórhjól, í svifdrekaflug og skella sér á æfingu hjá einum frægasta crossfittara Íslands, Björgvini Karli Guðmundssyni í Hveragerði,“ segir í tilkynningu frá N4 um þættina.
