Áhrifavaldurinn Danae Mercer er komin með nóg af því að fyrirtæki steli myndunum hennar og noti þær í auglýsingar.
Eitt fyrirtæki notaði „fyrir og eftir“ myndir hennar og hélt því fram að Danae hefði misst 10 kíló með því að taka töflur sem fyrirtækið selur. Hún segir að í hverri viku steli nýtt fyrirtæki myndunum hennar í þessum tilgangi. Í samtali við FEMAIL segist hún tilkynna stuldinn í hvert skipti en hún viti ekki til þess að það sé einhver lausn.
Fyrirtæki sem selja megrunarvörur og húðvörur stela iðulega myndunum hennar og segja að Danae náði þessum „árangri“ með því að nota vörurnar þeirra.
Sannleikurinn er hins vegar sá að „fyrir og eftir“ myndirnar eru teknar með nokkurra sekúnda millibili og engin töfravara kallaði fram þennan „árangur“. Munurinn felst í því hvernig hún stillir sér upp og lýsingin á myndunum.
Danae deildi nokkrum svokölluðum „fyrir og eftir“ myndum sem fyrirtækið hafa stolið.