Tveir ungir frumkvöðlar í Bretlandi telja sig hafa leyst þann vanda sem myndast við kvennasalerni á almannafæri. Oft myndast langar raðir við þau og samkvæmt The Guardian bíða konur 34 sinnum lengur í röð en karlar eftir almenningssalerni.
Hönnunin á að verða til þess að fleiri konur geti nýtt sér aðstöðuna á hverjum tímapunkti. Ástæðuna fyrir löngum biðröðum á kvennaklósettum en ekki karlaklósettum má rekja til þess að fyrir hvert kvennaklósett eru tíu pissuskálar fyrir karla samkvæmt rannsókn.
Hugmyndasmiðirnir segja að þetta sé ekki lausn sem endilega allar konur myndu taka í sátt en telja að þegar búið er að bíða í röð í 15 mínútur sé hraðara aðgengi ansi heillandi.
Frumgerð af hönnuninni hefur þegar verið sett upp í Bristol.