Jón Kristinn Snæhólm og Erla Axelsdóttir gengu í það heilaga nýverið en þau greina frá giftingunni á samfélagsmiðlinum Facebook.
Rúmt ár er síðan þau Jón og Erla trúlofuðust en þau greindu einnig frá trúlofuninni á Facebook á sínum tíma. Þá skrifaði Jón ansi skemmtilegan texta um Erlu og ástina.
„Með leyftur-hraða kom ástin inn í líf mitt og lagði mig kylliflatann. Guð og ég höfðum rætt saman um þessi mál og hann bað mig að vera þolinmóðan, hann væri að vinna í málinu. Svo kom Erla inn í líf mitt og nýr kafli hófst. Erla góða Erla sem almættið sendi mér,“ skrifaði Jón.
Jón Kristinn er menntaður sem bæði alþjóðastjórnmálafræðingur og sagnfræðingur en hann hefur vakið athygli fyrir líflega framgöngu sína í sjónvarpsþáttunum Hrafnaþing á seinni árum. Þá hefur hann lengi verið virkur í Sjálfstæðisflokknum.
DV óskar Jóni og Erlu til hamingju með giftinguna.