Instagram áhrifavaldurinn Olivia White deilir hreinskilnum og hráum myndum af sér fyrir og eftir fegrunaraðgerð. Olivia er með rúmlega 160 þúsund fylgjendur á miðlinum og greindi frá því nýverið að hún hefði gengist undir fitusog, brjóstaaðgerð og svuntuaðgerð.
„Stuðningurinn sem ég hef fengið vegna færslunnar er ómetanlegur,“ segir hún í samtali við Kidspot.
„Ég ákvað að deila því með fólki nákvæmlega hvernig þetta er, jafnvel þó þetta sé mjög hrátt og viðkvæmt. Og allir virðast vera mjög þakklátir og hrifnir af því.“
Olivia er tveggja barna móðir. Hún segist hafa rannsakað þá möguleika á aðgerðum sem stóðu henni til boða í tvö ár áður en hún lagðist undir hnífinn. Hún fór í fitusog, brjóstastækkun og „mini“ svuntuaðgerð.
„Þetta var bara eitthvað sem ég ákvað að gera fyrir sjálfa mig. Sumir vilja breyta hárlitnum sínum eða móta augabrúnirnar, jafnvel fara í bótox. Gerum við þetta því við erum óhamingjusöm? Eða því þetta er ákvörðun sem við viljum taka?“
Olivia fékk sér ekki brjóstapúða heldur færði fitu af magasvæðinu í brjóstin. Hún deildi myndum af sér rétt fyrir aðgerð og strax eftir aðgerð. Við vörum viðkvæma við myndefninu, hún er nýkomin úr aðgerð þegar myndbandið var tekið og lekur enn blóð úr saumunum. Það er hægt að skoða fleiri myndir og myndbönd í highlights hjá henni á Instagram undir „Surgery“.
View this post on Instagram
Olivia vill koma til dyranna eins og hún er klædd og ástæðan fyrir því að hún deildi þessu var til að hjálpa öðrum.
„Ef þessi færsla getur hjálpað einhverjum að taka upplýsta ákvörðun, eða hjálpað einhverjum að taka erfiða ákvörðun án samviskubits, þá af hverju ekki?“ segir hún.
Olivia segir að hún vildi ekki deila einhverri „fyrir og eftir“ glansmynd, heldur vildi hún sýna hvernig þetta sé í raun og veru.
