Myndband sem maður nokkur birti á samfélagsmiðlinum TikTok hefur vakið mikla athygli en í myndbandinu sýnir hann hvernig hann komst að því að kærasta hans til 6 ára var að halda framhjá honum. The Sun fjallaði um málið.
Maðurinn, sem kemur ekki fram undir nafni, komst að framhjáhaldinu með myndavél sem falin var í USB millistykki. Millistykkið kom með öllu sem hann þurfti til að taka upp myndavélið án þess að kærastan myndi sjá það. Maðurinn deildi síðan myndbandinu sem falda myndavélin tók upp á TikTok og útskýrði málið betur.
„Við höfum verið saman í meira en sex ár,“ segir hann en undanfarið hafði hann grunað að kærastan hans væri að halda framhjá honum en hann hafði engar sannanir fyrir framhjáhaldinu. Eftir að hafa sett myndavélina upp í eldhúsinu sínu gat hann séð streymi af því í símanum sínum.
Í myndbandinu má heyra hurð skellast og svo tvær manneskjur ganga inn í eldhúsið, konu og karl. Konan er kærastan en kærastinn kannaðist ekki við manninn. Þá sér hann kærustuna sína kyssa þennan ókunnuga mann í beinni. „Þú hlýtur að vera að grínast í mér,“ segir hann.
„Þetta er búið. Taktu saman dótið þitt eins fljótt og þú getur. Ég vona að þú sért ánægð,“ segir hann svo í smáskilaboðum sem hann sendi á hana. „Algjör sóun á 6 árum af lífinu mínu.“
Ekki eru þó allir á því að um raunverulega sögu sé að ræða en einhverjir vilja meina að myndbandið sé falsað. „Vel leikið,“ segir til að mynda í einni athugasemd við myndbandið. Þá sagði í einni athugasemd að maðurinn hafi með því að kaupa myndavél til að njósna um kærustuna sína dauðadæmt sambandið hvort eð er.