Áhrifavaldavinkonuhópur Íslands, sem samanstendur af nokkrum af stærstu áhrifavöldum landsins, innsiglaði vináttuna að eilífu með bleki.
Þær Sunneva Einarsdóttir, Kristín Pétursdóttir, Birgitta Líf Björnsdóttir, Magnea Björg Jónsdóttir, Hildur Sif Hauksdóttir, Ína María Norðfjörð og Ástrós Traustadóttir fengu sér allar eins tattú, stafina LXS.
Vinkonurnar fengu sér tattúið í samstarfi við tattúlistamanninn Brynjar sem starfar á Apollo Ink. Þær voru að sjálfsögðu duglegar að deila myndum og myndböndum í Story á Instagram.
„Fyrsta og eina tattooið ever takk og bless,“ sagði Birgitta Líf.
Þó þær hefðu allar fengið sér sama tattúið þá var staðsetning þess mismunandi. Birgitta Líf, Hildur Sif og Magnea fengu sér það á mjöðmina.
Sunneva Einars og Ástrós fengu sér það á ökklann og Ína María var sú eina sem fékk sér það undir ilina.
Nú bíðum við bara spennt eftir því að þær opinberi hvað LXS stendur fyrir. Við ætlum að veðja á „lúxus“