Húðflúr eru jafn mismunandi og þau eru mörg en sum eru þó óvenjulegri en önnur. Listamaðurinn Gunnar V, sem vinnur á húðflúrstofunni Element Tattoo í Osló í Noregi, tók á dögunum að sér að ansi óvenjulegt verkefni fyrir viðskiptavin stofunnar.
Gunnar birti mynd af húðflúrinu sem um ræðir á Facebook-síðu sinni í gær. Blekverkið er af Fernet-Branca áfengisflösku sem er á bólakafi í kynfærum konu. „Það var áskorun að gera miðann á flöskunni,“ segir Gunnar í færslunni á Facebook en þar kemur einnig fram hvar húðflúrið er staðsett. „Á rifjunum. En þetta er skemmtilegt húðflúr fyrir skemmtilegan viðskiptavin.“
Sjá einnig: Jóri fékk sér Titanic flúr hjá Gunnari V. á slóðum Titanic
Á heimasíðu Element Tattoo kemur fram að Gunnar sérhæfir sig í húðflúrum sem eru raunveruleg en hann gerir bæði húðflúr í svarthvítu og lit. Þá má einnig sjá fleiri húðflúr á heimasíðunni sem Gunnar hefur gert. Þar má til að mynda finna húðflúr af leikkonunni Natalie Portman í hlutverki stripparans Alice í myndinni Closer. Auk þess má sjá húðflúr af óhugnanlegum trúði, blettatígri og hauskúpu með blómi.