Lana Rhoades, 24 ára, er fyrrverandi klámstjarna og núverandi samfélagsmiðlastjarna. Hún nýtur einnig mikilla vinsælda á OnlyFans.
Lana er ötull talsmaður gegn klámiðnaðinum og greindi nýverið frá því hvað hefði verið „ógeðslegasta“ og erfiðasta atriði sem hún lék í á sínum tíma.
Sjá einnig: Vinsælasta klámstjarna Pornhub lýsir „ógeðslegasta atriðinu“ sem hún tók þátt í
Lana hætti í klámi árið 2018 og varð ári seinna vinsælasta klámstjarnan á PornHub vegna aukinna vinsælda sinna á samfélagsmiðlum.
Lana var á dögunum í hlaðvarpsþættinum Tap In með Harry Jowsey. Hún sagðist óska þess að hún gæti farið til baka og eytt öllum myndböndunum sínum en því miður hefur hún ekki réttinn til þess.
Hún sagðist jafnframt sjá eftir því að hafa starfað í klámi. „Í fullri hreinskilni segi ég fólki að ef ég gæti farið til baka þá myndi ég fórna öllu til að fá virðingu mína aftur og svo að fólk geti ekki lengur séð mig á þennan hátt,“ sagði hún.
Sjáðu brot úr þættinum hér að neðan.
@wpeaceandluv#lanarhoades #harryjowsey #JDPassItOn #impaulsive #mikemajlak #fyp #foryoupage #foryou #trending #loganpaul
Mörg erfið atvik leiddu til þess að Lana ákvað að kveðja klámiðnaðinn, sem reyndist vera frábær ákvörðun bæði andlega og fjárhagslega séð.
„Þegar ég var í iðnaðinum græddi ég ekki skít,“ sagði hún í hlaðvarpsþættinum BFFs í síðustu viku. „Ég átti kannski tólf milljónir inni á bankabók þegar ég var í klámi en núna á ég mörg hundruð milljónir,“ sagði hún.
Lana nýtur mikilla vinsælda á Instagram og þénar allt að þrjár og hálfa milljón fyrir eina færslu. Hún er einnig með 25 þúsund áskrifendur á OnlyFans sem greiða mánaðarlegt gjald til að skoða efni frá henni, auk þess að margir borga aukalega til að fá meira efni.
„Svona kom ég mér út úr þessu, með því að deila á Instagram á hverjum degi. Ég varð vinsæl á Instagram og það var það sem gerði mig svona vinsæla á PornHub. Ég var ekki vinsælust þar þegar ég hætti í klámi.“
Lana vill vara ungar konur við að fara í klámiðnaðinn. „Þær halda að þetta sé mjög heillandi vinna [en það er það ekki]. Hún borgar ekki einu sinni almennilega,“ segir hún.
Lana á von á sínu fyrsta barni en hún greindi frá því á Instagram fyrr í mánuðinum.
