Óhætt er að fullyrða að talsverð ferðaspenna sé búin að byggjast upp í Íslendingum undanfarna 18 mánuði á meðan kórónuveirufaraldurinn hefur gengið yfir veröldina. Nú horfir hins vegar til bjartari tíma í þeim efnum enda nálgast hjarðónæmi þjóðarinnar óðum. Fjölmargir Íslendingar eru farnir að skipuleggja síðbúnar sumarferðir til framandi slóða og þá hafa fréttir borist af því að aldrei fleiri Íslendingar hyggist verja jólunum erlendis.
Svo eru það þeir sem eru búnir að taka forskot á sæluna og eru þegar flognir út í faðm sólarinnar.
Leikkonan Kristín Pétursdóttir, einn þekktasti áhrifavaldur landsins, er flogin út til Berlínar. Ekkert bendir til annars en að hún hafi sjálf borgað fyrir miðann.
Eilífðar fegurðardrottningin Kolbrún Pálína Helgadóttir er stödd í ótilgreindri paradís
Það hefur gustað um athafnamanninn Anton Kristinn Þórarinsson undanfarna mánuði og hann nýtti því tækifærið og brá sér til Portúgals ásamt unnustu sinni Ellen Erlu Egilsdóttur. Þau birtu af sér þessa fallegu mynd á Instagram ásamt textanum: „Loksins erum við í sólinni. Ég og ástin min í Portúgal.“
Dansarinn og áhrifavaldurinn Ástrós Trausta hefur notið lífsins á suðurströnd Frakklands undanfarna daga, nánar tiltekið við borgina Nice.
View this post on Instagram
Áhrifavaldurinn Hildur Sif Hauksdóttir hefur spókað sig um í London síðustu daga og þar hefur verið sólríkt með eindæmum.
View this post on Instagram
Söngkonan og áhrifavaldurinn Berglind Saga, betur þekkt sem Saga B, hefur notið lífsins nærri Mílanó á Ítalíu undanfarna daga.
View this post on Instagram