Angela Levin, höfundur bókarinnar Harry: Biography of a Prince, telur að Meghan Markle, hertogaynjan af Sussex, sé að senda dulin skilaboð í bókinni sinni sem kom nýverið út.

Bókin sem um ræðir, The Bench, er barnabók en hún hefur verið mikið í umræðunni í Bretlandi síðan hún kom út. Angela ræddi um þessi duldu skilaboð við fréttakonuna Kay Burley í Sky News.

Það var ein blaðsíða sem vakti sérstaka athygli Angelu en á þeirri blaðsíðu má sjá faðir í herbúning að halda á barninu sínu á meðan móðirin horfir grátandi á feðgana út um gluggann. Mynd af blaðsíðunni sem um ræðir má sjá hér fyrir neðan.

Faðirinn er rauðhærður og svipar nokkuð til Harry bretaprins en Harry var einmitt sjálfur í breska hernum í 10 ár. Faðirinn á myndinni er þó í búning bandaríska hersins og Angela telur að með því sé Meghan að senda dulin skilaboð.

„Hann er augljós eftirmynd af Harry prins, rauðhærður með syni sínum, og hann klæðist búning bandaríska hersins. Er eitthvað annað í gangi þarna? Er hann að segja „ég vil ekki lengur vera breskur“? Eru þetta mistök því þau héldu að svona væru breskir karlmenn þegar þeir eru í hernum? Þessi mynd felur í sér dylgjur og duldar meiningar,“ segir Angela.