Nýtt lag og myndband Guðnýjar Maríu Arnþórsdóttur tónlistarkonu, sem lengi hefur haft viðurnefnið Páskastjarnan, hefur fengið góðar viðtökur. Lagið heitir „Vil fara á ball“ og tjáir þá almennu þrá landsmanna að losna úr Covid-kófinu, fara út á meðal fólks og sletta úr klaufunum.
„Lagið er samið eftir mikla prófvinnu og covid einangrun. Mig langar virkilega til að fara á ball. Ég verð svo alvarleg þegar ég tjútta aldrei. Viðlagið er í öðrum takti en vísurnar og mér finnst það passa þarna. Ég tók upp lagið í fríi fyrir norðan og það var geggjað að geta gert videóið þar, í Sjallanum sem verið er að endurbyggja,“ segir Guðný María, sem gerði góða ferð norður en hún hefur undanfarið verið önnum kafin í tónlistarnámi.
Lag og myndband eru hér að neðan – njótið.