Ástralska fjölmiðlakonan og pistlahöfundurinn Jana Hocking segir frá þessu í hlaðvarpsþættinum Kinda Sorta Dating. Hún og fyrrverandi kærasti hennar voru saman í fimm ár og yfir þann tíma þurfti kærastinn að dúsa í fangaklefa yfir helgi, tvisvar.
Jana var á þessum tíma í námi og gat ekki sótt kærastann í fangelsið á sunnudeginum. Hún segir að hann hefði þá nýtt tækifærið til að fá hjákonuna, sem hún vissi ekki af, til að sækja sig.
„Ég var í sambandi með mjög slæmum strák (e. bad boy). Hann fór í fangelsi, eða varðhaldsvist yfir helgi. Hann var versti kærasti í heimi og ég hafði áður sótt hann í fangelsið en ég komst ekki þennan dag vegna skólans,“ segir hún.
Jana segir að hún hefði snögglega bundið enda á sambandið þegar hún komst að því að hún væri ekki eina konan í lífi hans. „Ástæðan fyrir því að ég komst að því að hann átti aðra kærustu var að mamma mín sá þau borða saman á McDonalds, daginn sem ég komst ekki að sækja hann.“
Jana var að læra fjölmiðlafræði á þessum tíma og kláraði námið. Hún er núna ein stærsta fjölmiðlastjarnan í Ástralíu og skrifar reglulega pistla fyrir News.au um sambönd og samskipti kynjanna. Hún hefur lært mikið af reynslu sinni, sérstaklega að „slæmir strákar“ séu ekki málið.
Í desember í fyrra sagðist hún loksins hafa áttað sig á því af hverju konar laðast svona að „slæmum strákum.“ Hún sagði hávísindalega ástæðu á bak við það.
Sjá einnig: Ástæðan fyrir því að konur laðast að „slæmum strákum“