Bardagaíþróttafélagið TÝR hefur verið að vekja heimsathygli á TikTok undanfarið. Myndbönd sem sýna sjálfsvarnartækni hafa slegið í gegn og mörg þeirra hafa fengið hundruðir þúsunda í áhorf, sum margar milljónir í áhorf.
Jón Viðar Arnþórsson, meðeigandi og stofnandi TÝR, og Imma Helga Arnþórsdóttir, bardagakappi og þjálfari hjá TÝR eru stjörnur TikTok-síðu TÝS. Síðan var stofnuð fyrir um þremur mánuðum síðan og hafa viðbrögðin ekki látið á sér standa.
„Viðbrögðin hafa verið mögnuð. Við höfum fengið hátt í 30.000.000 áhorf á þessum tíma og erum komin með yfir 320 þúsund fylgjendur. Við höfum einnig fengið gríðarlega mikið af jákvæðum og skemmtilegum athugasemdum,“ segja þau í samtali við DV.
Vinsæli vefmiðillinn LadBible, sem er með yfir 40 milljónir fylgjendur á samfélagsmiðlum, hafði samband við þau vegna myndbandanna. „Þeir höfðu áhuga á samstarfi. Það er þó ekki byrjað,“ segja þau.
Myndbandið hér að neðan hefur fengið yfir sjö milljónir í áhorf.
@tyrmma*TW – Wait for the end! ##tyrmma ##isrmatrix @jon_vidar @imma_mma♬ Runaway – AURORA
Sumum myndböndum gengur betur en öðrum, eins og nýlegt myndband hefur fengið yfir sjö milljónir í áhorf og annað eldra myndband er með yfir 18 milljónir í áhorf. Aðspurð hvort þau séu búin að átta sig á því hvað gerir vinsæl myndbönd vinsæl, hvort það sé einhver sérstök formúla segja þau:
„Við höfum mikið verið að spá í formúlunni. Mjög margir sem ná vinsældum á TikTok eru að herma eftir hvort öðru, detta í einhver skemmtileg trend og fá athygli þannig. Við viljum frekar hafa allt efnið okkar frekar „original“ og semja myndböndin frá grunni út frá okkar hugmyndum. TikTok leyfir þér svo að nota skemmtilega tónlist sem hjálpar oft með stemninguna í myndbandinu. Okkur finnst myndböndin þurfa að vera frekar grípandi í byrjun, hafa einhverja sögu og svo einhvern spennandi eða fyndinn enda, svo að fólk horfi á allt myndbandið. En við erum langt frá því að vera einhverjir TikTok sérfræðingar. Við erum bara að reyna að gera þetta spennandi og einfalt svo að almenningur fái áhuga á því að æfa sjálfsvörn.“
Horfðu á myndbandið með yfir 18 milljónir í áhorf hér að neðan.
@tyrmmaTrigger warning. ##selfdefense ##tyrmma @jon_vidar @imma_mma♬ Post Malone (feat. RANI) – Sam Feldt
Þú getur skoðað fleiri myndbönd hér að neðan og á TikTok-síðu Týs. Þú getur kynnt þér sjálfsvarnarnámskeiðin á vefsíðu Týs.
@tyrmma Rear naked choke ##selfdefense ##tyrmma @imma_mma @jon_vidar
@tyrmma ##tyrmma ##isrmatrix @jon_vidar @imma_mma
@tyrmma ##selfdefense ##tyrmma @jon_vidar @imma_mma