Seth Rogen lét skeggið fjúka fyrir nýtt sjónvarpshlutverk og er nær óþekkjanlegur. Hann deildi tveimur myndum á Instagram til að sýna nýja útlitið.
Seth fer með hlutverk í nýjum þáttum, Pam & Tommy, á streymisveitunni Hulu. Þættirnir fjalla um Baywatch-stjörnuna Pamelu Anderson og fyrrverandi eiginmann hennar Mötley Crue-trommarann Tommy Lee, og atburðarrásina sem átti sér stað eftir að kynlífsmyndbandi af þeim var lekið.
Seth leikur Rand Gauthier, manninn sem stal myndbandinu.
Hann deildi myndum af sér og meðleikurum sínum í karakter á Instagram. Það tók aðdáendur smá tíma að átta sig á að þetta væri Seth Rogen á myndunum, en hann er nær óþekkjanlegur án skeggsins.