Fjölmargir deildu fallegum og hjartnæmum myndum af mæðrunum í sínu lífi á samfélagsmiðlum á sunnudaginn. En leikarinn Dax Shepard var með aðra hugmynd.
Frekar en að deila krúttlegri fjölskyldumynd þá deildi hann mynd af eiginkonu sinni, leikkonunni Kristen Bell gera jóga, alveg kviknakin.
View this post on Instagram
„Mömmuhlutverkið hefur breyst síðan ég var barn og ég er ánægður með það,“ skrifaði Dax með myndinni.
„Sjáið hana. Hún er góð, þolinmóð, bráðfyndin, ótrúlega hæfileikarík, gjafmild, hörð OG mjúk. Við stelpurnar duttum heldur betur í lukkupottinn. Við erum svo þakklát og elskum þig svo mikið.“
Kristen þakkaði Dax fyrir „besta mæðradag í heimi“ í færslu í Instagram Story.