Í gær héldu margir mæðradaginn hátíðlegan út um allan heim. Einn þeirra sem fagnaði deginum er stórleikarinn Ryan Reynolds en hann óskaði eiginkonu sinni Blake Lively til hamingju með daginn. Það hefur vakið athygli netverja að í færslunni sem Ryan birti á Instagram-síðu sinni í gær segir hann frá því sem markaði upphaf sambands þeirra, nafnlaust kynlíf á klósetti flugvallar.
„Það er ekki hægt að segja þetta nógu oft… þú ert hjartað og sálin í öllum þeim augnablikum sem við deilum sem fjölskylda. Ég er þakklátur fyrir ljósið og hlýleikann sem þú smyglar inn í hverja eina og einustu sekúndu í lífinu okkar,“ segir Ryan Reynolds í færslunni sem sjá má hér neðst í fréttinni.
Ryan segir svo að Blake sé hugrökk og sterk móðir, rétt áður en hann segir frá kynlífinu á flugvellinum. „Mig hefði aldrei grunað að nafnlaust kynlíf á flugvallarklósetti gæti orðið að þessu,“ segir hann en þessi setning vakti athygli margra netverja. Þau hjónin eru hins vegar þekkt fyrir mikinn húmor í garð hvors annars á samfélagsmiðlum og er þetta eflaust dæmi um slíkt grín.
„Ég er heppinn að fá að endurspegla broti af sólarljósinu sem skín frá þér á okkur öll. Til hamingju með mæðradaginn ástin mín,“ segir Ryan svo að lokum.
View this post on Instagram
