Doria Gani sigraðist á leghálskrabbameini fyrir 12 árum síðan og byrjaði í kjölfarið að stunda jóga. Doria hefur því stundað jóga í mörg ár en í dag gerir hún það iðulega nakin.
Doria, sem er 44 ára gömul, fann fyrst fyrir því hvað henni fannst gott að stunda jóga nakin þegar hún var stödd á Burning Man hátíðinni í Nevada í Bandaríkjunum árið 2015. Þar fékk hún mann til að taka myndir af sér á meðan hún stundaði jóga nakin og henni fannst það æðislegt.
Í dag er Doria 44 ára gömul og hjálpar fólki að líða vel í eigin skinni með því að stunda jóga nakin. Hún segir að henni hafi ekki alltaf liðið vel með líkamann sinn. „Ég eyddi miklum tíma í að berjast við djöflana mína,“ segir hún í samtali við The Sun og á þar við átraskanir sem hún barðist við.
Þegar Doria kom aftur til London eftir Burning Man hátíðina langaði hana að breiða út boðskapinn, kenna öðrum að stunda nektarjóga. „Ég raðaði öllum í hálfan hring svo þau horfðu öll á mig en ekki á hvort annað. Ég sagði þeim að það væri bannað að stara og dæma. Ef ég þurfti að leiðrétta stellingar þá talaði ég við fólkið í stað þess að snerta það svo þeim myndi ekki líða óþæginlega.“
„Hvað ef ég fæ standpínu?“
Doria segir að sumt fólk sé mjög feimið þegar það mætir fyrst í tíma til hennar. „Nektin getur gert fólk hrætt en þegar það kemst yfir hræðsluna þá er hún svo valdeflandi,“ segir hún og talar svo um algengustu spurninguna sem hún fær frá karlmönnum sem mæta til hennar.
„Hvað ef ég fæ standpínu?“ er algengasta spurningin en Doria segir standpínur ekki vera neitt vandamál. „Það kemur fyrir að þær komi en þær fara um leið og þeir byrja að hreyfa sig.“
„Nektarjóga hefur hjálpað henni mikið“
Doria segir að tímarnir hennar hafi hjálpað mörgum. „Oft koma nemendur til mín og eru þá hljóðlátir og stressaðir. Þegar þeir fara eru allir spjallandi og brosandi,“ segir hún.
„Ég fæ líka oft fólk grátandi til mín. Ein af konunum sem kom til mín sagði mér að henni hafði verið nauðgað og í kjölfarið hafi hún glímt við mikið þunglyndi. Henni fannst tímarnir mínir vera mjög hjálplegir og hafði á orði að henni hafi fundist hún vera örugg þarna, nakin með öðrum körlum og konum. Nektarjóga hefur hjálpað henni mikið og hún segir að það hafi líka hjálpað henni að líða vel í eigin skinni.“
