Samfélagsmiðlar eru góður staður til skoðanaskipta og eiga sér þar gjarnan stað líflegar umræður um mikilvæg málefni í heiminum þar sem flestar skoðanir eru viðraðar, gagnrýndar, rökstuddar og þar eftir götum.
Þar má þó einnig finna önnur umræðuefni sem engu að síður eru áhugaverð og gefa lífinu lit. Eitt vinsælt myllumerki á miðlinum Twitter er #stuffthatshouldnotexist eða „Hlutirnir sem ættu ekki að vera til“. Þar deila notendur færslum um hluti, staði og jafnvel fólk sem að þeirra mati gera heiminn ekki að betri stað.
Af hverju í ósköpunum myndi einhver teppaleggja baðherbergi? Það getur ekki verið hollt heilsunni. Aðeins skárri var nú tískan hér áður fyrr þar sem allir þurftu að eiga klósettmottu og baðherbergismottu í stíl en blessunarlega eru flestir búnir að láta af slíku hátterni í dag.
Það er erfitt að ímynda sér hvernig lífi aðilinn sem fann þetta upp lifir. Í fyrsta lagi að eiga það margar fjarstýringar að þurfa hettu til að koma skipulagi á þær og í öðru lagi að lausnin á fjarstýringavandanum sé að festa þær á höfuðið.
Margir voru sammála því að þessi púði ætti ekki að vera til. Blaðamaður sér þó ekkert að honum og telur heiminn jafnvel ögn betri með þessum valkosti.
Þetta er nú bara truflandi. Nema á Hrekkjavökunni eða ef þú ert meðlimur Adams fjölskyldunnar. Geturð þú ímyndað þér að vakna á nóttunni og þetta er það eina sem þú sérð við hliðina á þér?
Að sama bragði töldu netverjar að ógnvekjandi tuskudýr séu ekki heiminum til bóta
Ehhh…. nei takk.
Hvaða gagn er af því að hafa ljós framan á bíl ef þau blinda þá sem keyra á móti þér í umferðinni. Ef út í það er farið þá er hálf vonlaust orðið að keyra í dag þar sem annar hver bíl getur komið af stað mígreniskasti hjá saklausum ökumönnum í myrkrinu.
Já þetta er til. Nei við erum ekki að grínast. Það hugsaði einhver að afturendi katta sé ekki mönnum bjóðandi og fann því upp á rassahlíf. Oftast með gervidemant. Því auðvitað er það eðlilegra en að sjá kattarass.
Það þarf ekkert að skammst sín fyrir að ganga í Crocs-skóm. Þeir eru þægilegri og vinnudagurinn er oft löng ströng raun fyrir iljarnar. En að skella hæl undir þá? Hvaða tilgangi þjóna þeir þá?
Sú vísa er aldrei of oft kveðin að gæludýrin okkar eru ekki fylgihlutir. Sumir hundar eru litlir og fara vel í tösku en þetta er of mikið. Þarna er bókstaflega búið að breyta vesalings dýrinu í hliðartösku og þetta getur ekki verið dýrinu gott.
Netverjar eru ekki allir hrifnir af augnhárum fyrir bíla. En það má þó deila um það. Stundum á bílinn skilið að vera sætur.