Guðlaugur Þór Þórðarson, utanríkisráðherra, og Páll Magnússon, þingmaður Sjálfstæðisflokksins, eignuðust barnabarn á dögunum. Dóttir Guðlaugs Þórs og líkamsræktarfrömuðarins Ágústu Johnson, Anna Ýr Johnson Hrafnsdóttir, og sonur Páls Magnússonar, Páll Magnús Pálsson, eignuðust dóttur þann 21. apríl síðastliðinn.
Þetta er fyrsta barn parsins og þriðja barnabarn Guðlaugs Þórs og Ágústu.
Guðlaugur og Páll greindu báðir frá gleðitíðindunum á Facebook.
„Það er ekki hægt annað en að horfa björtum augum til framtíðar þegar maður heldur á litlu kraftaverki og ekki skemmir að það er að lifna yfir öllu. Vor í lofti og við að sjá fyrir endann á krefjandi tímabili fyrir land og þjóð. Reyndar á það við um heimsbyggðina alla,“ segir Guðlaugur.