TikTok-notandinn Kristen Cape flutti nýverið en þegar hún fór í gegnum nýju íbúðina tók hún eftir því að fyrri eigendur íbúðarinnar höfðu ekki tekið allar eigur sínar með sér. Kristen bjóst eflaust við því að finna eitthvað skemmtilegt sem fyrri eigendurnir áttu og var það raunin í fyrstu.
Hún fann fyrst nokkuð magn af flíkum sem eigendurnir höfðu skilið eftir. Þegar hún opnaði eina skúffuna í íbúðinni fann hún flíkur en það sem leyndist einnig í skúffunni kom henni á óvart. Kristen vekur athygli á þessu í myndbandi sem hún birti á TikTok-síðu sinni en myndbandið má sjá neðst í fréttinni.
„Svooo ógeðslegt, ég var ekki tilbúinn í að finna þetta,“ skrifaði hún með myndbandinu sem hefur vakið töluverða athygli. Þá var einnig fjallað um myndbandið í The Sun. „Við vorum að flytja í þetta hús og fyrri eigendurnir skildu eitthvað af dóti eftir,“ útskýrir hún og sýnir svo hvað leyndist í skúffunni ásamt fötunum.
Það var poki en í pokanum var töluvert magn af kynlífsdóti. „Við fundum föt sem var flott… þangað til við fundum heilan poka með kynlífsdóti,“ segir Kristen í myndbandinu.
Þeir sem sáu myndband hennar höfðu afar gaman að því og mátti sjá mikið af háði í athugasemdunum við það. „Við skulum vona að þau komi ekki aftur til að sækja þetta,“ segir til að mynda einn. „Þú hlýtur að TITRA eftir að hafa fundið þetta,“ skrifar annar. „Sápa, vatn og edik. Þá er þetta bara tilbúið til notkunar,“ skrifar svo enn annar.
Ljóst er að Kristen hefur ekki mikinn áhuga á að endurnýta kynlífsdótið. „Ég meina, þú getur djúphreinsað þau með áfengi,“ skrifaði einn og Kristen svaraði því. „Það er stórt nei,“ sagði hún.
Myndbandið sem Kristen deildi má sjá hér fyrir neðan:
@kristenjones8219Sooo gross y’all. I was not prepared to find this 🤢😂 #ew #ohno♬ Oh No – Kreepa