Í dag birtist eign til sölu á fasteignavef Vísis sem í fyrstu virðist ansi venjuleg. Eignin er staðsett í Furulundi 9 í Garðabæ en það er í eigu Sigurbjörns K. Haraldssonar, húsasmiðs, sem einnig hannaði húsið.
Húsið er með 5 herbergi og er 214,3 fermetrar að stærð. Fasteignin er metin á rúmar 86 milljónir.
Þegar myndirnar eru skoðaðar nánar þá má þó sjá að húsið virkar ansi drungalegt, þá sérstaklega eitt svefnherbergjanna. Rúmið er gert úr stuðlabergi og tvær styttur af kattardýrum í árásarstöðu eru fyrir framan það.
Íslendingar á Twitter voru mishrifnir af húsinu og kepptust notendur við gerð besta brandarans. Bestu færslurnar má sjá hér fyrir neðan.
pov þegar það er verið að fara að fórna þér pic.twitter.com/gg8lNbmRkW
— Olé! (@olitje) April 19, 2021
Þegar þú velur allt það ljótasta í Sims bara af því að það er dýrast:https://t.co/7x5wlavTcY
— Siggeir F. Ævarsson (@siggeirslayer) April 19, 2021
Elskan ég hannaði húsið í Minecraft. pic.twitter.com/SZ5cNuxSi3
— Teóríubangsi (@Rafauga) April 19, 2021
ÞAÐ ÞYRFTI AÐ SENNILEGA AÐ KYRKJA MIG BARA TIL AÐ LÁTA MIG SLAKA Á Í ÞESSU SVEFNHERBERGI pic.twitter.com/6OWYA4s8Ph
— Elli Joð (@ellijod) April 19, 2021
Allar sóttvarnaraðgerðir næstu daga hljóta að miða að því að engin fjöldatakmörk verði á opnu húsi í Furulundinum 24. apríl. pic.twitter.com/I930xjTvnz
— Bragi Valdimar (@BragiValdimar) April 19, 2021
Þetta hús fæst ókeypis EF þú getur sofið eina nótt í þessu rúmi. https://t.co/o0pBkgJie2
— Hrafn Jónsson (@hrafnjonsson) April 19, 2021
Þeir sem hafa áhuga á að skoða eignina geta mætt á opið hús laugardaginn 24. apríl næstkomandi, milli klukkan tvö og þrjú.