fbpx
Fimmtudagur 29.júlí 2021
Fókus

Klikkaðar reglur úr Buckinghamhöll

Erla Dóra Magnúsdóttir
Sunnudaginn 11. apríl 2021 20:30

Mynd/Getty

Ekki missa af Helstu tíðindum dagsins í pósthólfið þitt

Lesa nánar

Breska konungsfjölskyldan er ekki eins og fólk er flest. Um hana gilda ýmsar reglur sem við hin eigum kannski erfitt með að skilja. Þær byggja á hefðum, venjum, persónulegum smekk og að sjálfsögðu eru ýmsar reglur til að tryggja öryggi aðalsins.

Mynd/Getty

AÐALDAMAN FYRST

Filippus prins skal ganga tveimur skrefum á eftir eiginkonu sinni því hún er drottning og æðri honum.

HATTAR FYRIR SEX

Konunarnar í konungsfjölskyldunni eiga að vera með hatta á almannafæri. Nema ef klukkan er orðin 18.00, þá er skipt yfir í kórónu, ef konurnar eru giftar.

Mynd/Getty

NEON-DROTTNING

Elísabet drottning klæðir sig í skæra liti. Það er ekki vegna þess að hún kýs það sjálf heldur svo að hún sjáist betur í margmenni.

SKILABOÐASKJÓÐA

Elísabet drottning sést sjaldan án handtösku. Hana notar hún til að senda aðstoðarfólki sínu og öðrum skilaboð. Ef hún leggur töskuna á matarborðið er matartíminn á enda. Ef hún færir töskuna frá vinstri til hægri handar þá vill hún að samræðum ljúki. Ef hún leggur töskuna á gólfið þá er hún í leiðinlegu samtali og þarf björgun.

FYRST TIL HÆGRI, SVO TIL VINSTRI

Við formleg matarboð þarf drottningin að byrja á því að spjalla við manneskjuna sem situr henni á hægri hönd. Þegar næsti réttur er borinn fram snýr hún sér að manneskjunni á vinstri hönd.

RYKSUGAN EKKI Á FULLU

Það er bannað að ryksuga í Buckinghamhöll fyrir klukkan 10.00 á morgnana til að raska ekki svefnfriði konungsfjölskyldunnar.

KÁLHAUS

Það er bannað að nota gælunöfn yfir konungsmeðlimi, nema ef þú ert í þeirra innsta, innsta hring. Filippus prins kallar drottninguna Cabbage sem á íslensku þýðir kálhaus á meðan aðrir kalla hana stundum Lilibet.

ÓSÝNILEGIR STARFSMENN

Starfsmenn eiga helst ekki að sjást eða heyrast. Þeir eiga að blandast inn í bakgrunninn og láta lítið fara fyrir sér.

BANNAÐ AÐ SKAMMA

Það er bannað að aga hunda drottningar og þeir eru með sinn eigin kokk sem eldar fyrir þá frá grunni eftir gúrmet-matseðli.

Mynd/Getty

AÐSKILDIR Á FERÐALÖGUM

Prinsarnir Karl, Vilhjálmur og Georg mega ekki ferðast saman. Þeir eru nefnilega arftakar krúnunnar og gæta þarf þess að þeir farist ekki samtímis.

Mynd/Getty

EKKI SNÚA BAKI Í DROTTNINGU

Þegar drottningin stendur, þá stendur þú líka og þú snýrð ekki baki í drottninguna heldur snýr hún baki í þig.

BANNAÐ AÐ KEPPA

Spilið Monopoly er sagt bannað í höllinni. Það olli víst illindum. Eins er bannað að vinna drottninguna í látbragðsleik. Hún tekur því víst illa að sögn barnabarns hennar, Harrýs prins.

SVÖRTU FÖTIN MEÐ

Konungsfjölskyldan má ekki ferðast án þess að taka með sér sorgarklæðnað.

Mynd/Getty

ENGA MATAREITRUN, TAKK

Konungsfjölskyldan má ekki borða skelfisk. Skelfiskur er líklegur til að valda eitrun eða ofnæmisviðbrögðum og þá áhættu tekur kóngafólkið ekki.

MATURINN BÚINN

Þegar drottningin er búin að borða þá eru allir búnir að borða. Það væri gífurlegur dónaskapur að fá sér bita eftir að drottningin er búin.

BARA EF ÞAÐ ER BRESKT

Drottningin má ekki setjast í hásæti sem er ekki breskt. Ekki einu sinni sjálft járnhásætið úr þáttunum Game of Thrones.

Mynd/Getty

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Róbert Wessman selur hulduhús í Garðabænum og vill 400 milljónir fyrir það

Róbert Wessman selur hulduhús í Garðabænum og vill 400 milljónir fyrir það
Fókus
Fyrir 2 dögum

Íslendingar missa sig yfir myndinni af stjörnuparinu – „Ég tók bókstaflega andköf“

Íslendingar missa sig yfir myndinni af stjörnuparinu – „Ég tók bókstaflega andköf“
Fókus
Fyrir 1 viku

Foreldrar Darra eru í kapphlaupi við tímann eftir að endurkomukrabbamein greindist – „Auðvitað mölvar þetta mömmuhjartað“ – Söfnunarreikningur

Foreldrar Darra eru í kapphlaupi við tímann eftir að endurkomukrabbamein greindist – „Auðvitað mölvar þetta mömmuhjartað“ – Söfnunarreikningur
Fókus
Fyrir 1 viku

Piers Morgan lætur Harry heyra það – „Þú hlýtur að vera að fokking djóka?????“

Piers Morgan lætur Harry heyra það – „Þú hlýtur að vera að fokking djóka?????“