Þóra Margrét Baldvinsdóttir, hönnunarráðgjafi og eiginkona Bjarna Benediktssonar, fjármála- og efnahagsráð-herra Íslands, hefur löngum þótt áberandi lekker bæði í klæðnaði og störfum, en hún hefur hannað og stíliserað fjölda heimila og fyrirtækja við góðan orðstír.
Þóra auglýsti á dögunum fatnað og skó í söluhóp á Facebook fyrir merkjavörur. Meðal þess sem er til sölu eru buxur frá Spaksmannsspjörum á 25 þúsund krónur og aðrar frá sama fyrirtæki á 30 þúsund krónur. Hún er einnig að selja bláa hælaskó frá Prada á 20 þúsund krónur. Sambærilegir Pradaskór, notaðir, kosta um 50 þúsund á eBay svo hér má gera góð kaup.
Mikil aukning hefur verið í sölum og kaupum á notuðum fatnaði sem stríðir gegn sóun hvetur fólk til þess að koma góðum fatnaði í not. Þóra er sem áður segir flinkur stílisti svo það væri ekki úr vegi að hún opnaði verslun með notaða merkjavöru, bæði fatnað og húsbúnað.