Les Chandelles er skemmtistaður í París sem heillar þá frægu og ríku í borginni. Þetta er ekki venjulegur skemmtistaður heldur er þetta svokallaður Swinger-klúbbur þar sem fólk mætir með maka sínum en báðir aðilar sofa hjá öðru fólki. Nákvæm staðsetning klúbbsins er ekki opinber en vitað er að staðurinn leynist eitthversstaðar undir götum Parísar-borgar og er rétt hjá Louvre-safninu. The Sun greinir frá.
Eigandi klúbbsins er Valérie Hervo, betur þekkt sem Madame Valérie og á næstu dögum kemur út ævisaga hennar þar sem hún segir frá því sem gerist á bakvið tjöldin á klúbbnum. Hingað til hefur hún haldið því alveg leyndu hvað gerist innan klúbbsins.
Pör sem hyggjast sækja staðinn þurfa að punga út heilum 48 þúsund krónum til að komast inn en innifalið er aðgangur, kvöldverður, kampavín og smokkar.
View this post on Instagram
„Þetta er alheimur ánægjunnar. Kynlíf er bara rúsínan á pylsuendanum. Í partýunum byrjar erótísk spenna að leiðast um alla. Fólk verður djarfara í samskiptum, störurnar verða beinni og snertingar minna saklausar“ segir Madame Valérie. Þá færist fjörið yfir í „láréttu stofurnar“.
Það er ekki skylda að taka þátt í athöfnum klúbbsins ef þú mætir, einnig er leyfilegt að sitja bara við barinn og fylgjast með. Flest allir karlmennirnir eru yfir fertugt á meðan konurnar eru oftast rétt að skríða yfir þrítugt. Það er þó sérstaklega tekið fram að einhleypir fái ekki að mæta.
Það er skylda að mæta í fínum fötum á staðinn og gleymdi Mick Jagger því eitt sinn. Hann mætti á klúbbinn í gallabuxum og strigaskóm en var hent út.
Klúbburinn er það vinsæll að fjölskyldumeðlimir eiga það til að rekast á hvorn annan á staðnum. Madame Valérie segir að hún hafi heyrt af hjónum sem hengdu miða á ísskápinn heima hjá sér með skrifað niður hvaða daga þau ætluðu sér á staðinn svo þau myndu ekki rekast á dóttur sína sem einnig var tíður gestur.