Rachel Bilson lætur allt flakka um samskipti sín og fyrrverandi skólafélaga og leikarans Rami Malek.
Í hlaðvarpsþættinum Armchair Expert, með Dax Shepard og Monica Padman, segir Rachel frá beiðni Rami um um að eyða mynd af þeim á menntaskólaárunum. Rachel hafði nýlega deilt henni á Instagram.
Rachel segir að hún hafi verið „svekkt yfir því hvernig þetta var höndlað.“
Í febrúar 2019 deildi Rachel mynd af sér og Rami á unglingsaldri, en þau gengu í sama menntaskóla og voru góðir vinir. Með myndinni skrifaði hún: „Hey @ramimalek hvar fékkstu þessa gullkeðju? #tbt #oscarworthy #dontforgetthelittlepeople.“
En samkvæmt Rachel var Rami ekki hrifinn af myndbirtingunni. Hún fékk skilaboð frá honum stuttu seinna. „Ég var nýbúin að deila mynd af okkur. Við vorum mjög nördaleg, bara nördalegasta myndin af báðum okkar. En ég deildi henni því hún er fyndin og mér finnst það mikilvægt að fólk getur gert grín að sér sjálfu.“
Viðbrögð Rami voru þó önnur en hún bjóst við. „Ég fékk skilaboð frá honum, hann sagði ekki: „Hey! Hvernig hefurðu það?“ Heldur bara: „Ég myndi kunna að meta það ef þú myndir eyða myndinni. Ég er mjög hlédrægur (e. private person).“
„Ég var alveg: „Ó sjit! Ókei.“ Mér varð heitt og ég byrjaði að svitna. Ég var mjög stressuð. Hann var mjög góður vinur minn, þetta er fyndin mynd. Ég tek mig sjálfa ekki það alvarlega.“
Samkvæmt Rachel var Rami ekki hrifinn af myndinni. „Ég þekki stílistann hans og hún var alveg: „Þetta er ekki frábær mynd af honum.“ Þetta var rétt fyrir Óskarsverðlaunahátíðina og ég man að Josh Schwartz sagði: „Þú gerðir honum enga greiða. Hann er að fara að fá tilnefningu.“
Rachel fjarlægði myndina og sendi Rami afsökunarbeiðni, en fékk ekkert svar.
„Sem er í lagi. En ég var mjög svekkt því hann hefur alltaf verið svo vingjarnlegur og við vorum góðir vinir.“