Ein frægasta fyrirsæta og athafnakona Íslands, Ísdrottningin Ásdís Rán Gunnarsdóttir, er gengin út. Smartland greinir frá.
Ísprinsinn er gamall kunningi Ásdísar, Gísli Elmarsson. Þau hafa verið að stinga saman nefjum undanfarna mánuði og skemmta sér konunglega saman þessa dagana í Búlgaríu.
Ásdís er meðal þekktustu athafnakvenna Íslands og hefur átt í mörgum viðskiptaævintýrum. DV ræddi við Ásdísi um þessi viðskiptaævintýri hennar í fyrra og var hún þá spurð hvað stæði upp úr á ferlinum. Ásdís sagði þá að besta viðskiptaævintýri hennar sé án efa IceQueen-vörumerkið. „Ég byrjaði á því að hanna snyrtivörur undir IceQueen. Svo fór ég út í húðvörur, sundföt og kjóla. Ég hannaði verslun í Búlgaríu sem leit út eins og íshellir sem var handgerður af fremstu óperusviðslistamönnum Evrópu. Búðin var stórkostlega fallegt listaverk,“ sagði Ásdís.
Sjá einnig: Viðskiptaævintýri Ásdísar Ránar
Fókus óskar parinu til hamingju með ástina.