Það fór ekki framhjá lesendum DV í síðustu viku að áhrifavaldurinn Binni Löve og CrossFit-stjarnan Edda Falak væru hætt saman.
Parið byrjaði saman í nóvember í fyrra. Fyrir viku síðan var greint frá því að þau væru hætt saman eftir mjög opinbert þriggja mánaða samband.
Sjá einnig: Edda tjáir sig opinberlega um sambandsslitin – „Engar áhyggjur af mér að hafa elsku vinir“
Binni Löve var gestur í morgunþættinum Ísland vaknar á K100 í gær og tjáði sig stuttlega um sambandsslitin. Greint er frá þessu á vef K100.
Binni sagði að í kjölfar fréttaumfjöllunar um sambandsslit hans og Eddu hafi fólk hrúgast inn á Instagram-síðu hans og fylgjendum fjölgað.
„Ég var aðeins í fréttunum í síðustu viku og ég raðaði inn fylgjendum og það er bara fínt,“ sagði hann. Hann sagðist þó hafa lært það að fylgjendur skipta engu máli heldur snýst þetta bara um að „hafa gaman og vera góður við fólkið í kringum þig.“
Binni er með yfir 18,700 fylgjendur á Instagram. Samhliða starfi sínu sem áhrifavaldur starfar hann sem verkefnisstjóri stafrænna miðla hjá Árvakri.
