fbpx
Miðvikudagur 16.júní 2021
Fókus

Sagði honum að velja á milli sín og Kourtney Kardashian

Guðrún Ósk Guðjónsdóttir
Föstudaginn 19. mars 2021 08:20

Kourtney Kardashian, Scott Disick og Sofia Richie. Myndir/Getty

Ekki missa af Helstu tíðindum dagsins í pósthólfið þitt

Lesa nánar

Í gær kom út fyrsti þátturinn í lokaseríunni af Keeping Up With The Kardashians. Það gerðist ýmislegt í þættinum en það sem hefur vakið mesta athygli var þegar Scott Disick sagði frá því að Sofia Richie, þáverandi kærasta hans, hafi gefið honum úrslitakost á milli sín og Kourtney Kardashian.

Scott og Kourtney eru fyrrverandi hjón og eiga saman þrjú börn. Þau fara með sameiginlega forsjá barnanna og verja miklum tíma saman sem fjölskylda.

Eins og aðdáendur KUWTK vita þá hættu Scott og Sofia saman eftir þriggja ára samband í maí 2020. En stuttu eftir sambandsslitin sást til þeirra saman. Í þættinum segir Scott að þau hafi ákveðið að taka saman aftur eftir að Sofia útskýrði fyrir honum hvað hún þurfti frá honum og úr sambandi þeirra.

„Hún kom til mín og útskýrði fyrir mér allt það sem gerir hana óörugga í sambandinu okkar og af hverju það var erfitt fyrir hana að vera í því,“ sagði Scott við Khloé Kardashian.

„Og mér finnst eins og hún vill vera miðpunktur athyglinnar. Og hún segir: „Í þínu lífi er ég síðasta manneskjan sem fær athygli.“

Khloé hrósaði Sofiu fyrir hreinskilni sína og tók Scott undir með henni. „Hún var mjög þroskuð varðandi þetta og spurði hvort við gætum leyst úr þessu þannig að henni myndi líða vel,“ sagði hann.

Parið ákvað að taka saman aftur og var Scott ákveðinn að „láta sambandið ganga og láta henni líða eins og hún væri fremst í forgangsröðinni.“ En því miður gekk það ekki, þau sögðu skilið við hvort annað í ágúst 2020. Rúmlega mánuði eftir að þau ákváðu að reyna á ný.

„Mér finnst eins og hana hafi langað að „ýta“ Kourtney út. Og ég sagði henni að það væri það mikilvægasta í mínu lífi, börnin mín og fjölskylda mín, eina fjölskyldan sem ég á, þar á meðal þið,“ sagði Scott við Khloé.

Hann sagði að Sofia vildi ekki deila honum „sem kærasta með Kourtney.“ Sofia endaði með að gefa Scott úrslitakost. „Hún bókstaflega sagði að ég þyrfti að velja, hana eða Kourtney.“

Scott neitaði að útiloka Kourtney og gekk ekki samband hans og Sofiu upp. „Ég mun aldrei gefa upp samband mitt við Kourtney,“ sagði hann.

Í myndbandinu hér að neðan er tekið saman það helsta sem gerðist í þættinum í gær.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Óskar Finnsson æðrulaus í risastóru verkefni – „Ég get ekkert gert við því að ég sé kominn með fjórða stigs krabbamein og heilaæxli“

Óskar Finnsson æðrulaus í risastóru verkefni – „Ég get ekkert gert við því að ég sé kominn með fjórða stigs krabbamein og heilaæxli“
Fókus
Fyrir 2 dögum

Ingó Veðurguð og fleiri stjörnur ganga til liðs við Boomerang – „Maður nær alls ekki að anna eftirspurninni“

Ingó Veðurguð og fleiri stjörnur ganga til liðs við Boomerang – „Maður nær alls ekki að anna eftirspurninni“
Fókus
Fyrir 3 dögum

Fyrirsætan á auðvelt með að fá fullnægingar – Þetta er leyndarmálið

Fyrirsætan á auðvelt með að fá fullnægingar – Þetta er leyndarmálið
Fókus
Fyrir 4 dögum

37 ára aldursmunurinn gerði þau fræg – Þarf að verja kærustuna frá netverjum sem segja ást þeirra „ógeðslega

37 ára aldursmunurinn gerði þau fræg – Þarf að verja kærustuna frá netverjum sem segja ást þeirra „ógeðslega