Fyrirsætan Chrissy Teigen er enginn nýgræðingur þegar kemur að því að svara fyrir sig. Sérstaklega þegar kemur að hæfileikum hennar sem móður.
Á dögunum deildi Chrissy mynd þar sem tveggja ára sonur hennar, Miles, truflaði myndatöku. Chrissy er ber að ofan og heldur fyrir brjóstin. „Vinsamlegast færðu þig, mamma er að reyna að vera „thirsty“,“ skrifar hún í gríni með myndinni.
View this post on Instagram
Fjölmargir hrósuðu myndinni og sögðu hana vera lifandi dæmi um móðurhlutverkið. En ekki voru allir hrifnir af myndinni og sögðu hana vera „furðulega“ og „óviðeigandi.“
„Þetta er furðulegasta mynd sem ég hef séð á ævi minni,“ sagði einn netverji.
„Afsakaðu, ég elska þig en þetta er óviðeigandi,“ sagði annar.
Chrissy svaraði fyrir sig á léttu nótunum. „Allir sem eru reiðir geta svarað mér hér svo ég geti blokkað ykkur öll á sama stað,“ og „bíðið þar til þau frétta að við förum í bað saman.“
Aðdáendur stjörnunnar komu henni til varnar og hrósuðu henni fyrir að kenna börnunum sínum að líða vel í eigin líkama.
„Mamma að kenna börnunum sínum að vera stolt af líkama sínum, ég lít á það sem gott uppeldi,“ sagði einn netverji.
„Þeim sem finnst þetta skrýtið þurfa að líta inn á við,“ sagði annar.