Megan Barton Hanson, fyrrum keppandi í raunveruleikaþáttunum Love Island, var með streymi á Instagram-síðu sinni í vikunni, þar sem hún svaraði spurningum aðdáanda. Hluti af spurningunum var „Hversu mikið kynlíf var þarna?“ og „Gerðist það bara á næturnar eða læddist fólk afsíðis á daginn líka?“ en Megan, sem er mjög opin með kynlífs sitt og er mikill talsmaður öruggs kynlífs, kom með mjög áhugavert svar.

Hún segir að allir í þáttunum stundi kynlíf, en að fólk feli það bara mismikið. Viljir þú ekki að það sé sýnt í þættinum að þú hafir stundað kynlíf, þá verður það ekki sýnt. Hún segir að líf hennar væri mun einfaldara hefði hún bara beðið um að klippurnar yrðu ekki sýndar.

„Ég myndi eiga einfaldara líf ef ég hefði bara látið eins og ekkert hafi gerst eins og aðrar stelpur gerðu, en ég elska kynlíf og það var frekar augljóst,“ segir Megan en líf margra hefur breyst eftir að hafa stundað kynlíf á þáttunum, til dæmis þegar fegurðardrottningartitill Zara Holland var tekinn af henni eftir að hún stundaði kynlíf í þættinum.

Áheyrnaprufur fyrir næstu seríu af Love Island eru í gangi núna og má búast við þáttunum í sumar. Ekki hefur verið staðfest hvar tökur fara fram en búist er við því að þær verði á Mallorca á Spáni.