Tiffany Poindexter, Móðir í Kalíforníuríki sem selur kynferðislegar myndir af sér á forritinu OnlyFans segist vera lögð í einelti af öðrum foreldrum í skóla barna sinna. Hún segir að það muni þó ekki stöðva sig. New York Post greinir frá þessu.

Hún gengur undir nafninu Mrs. Poindexter á OnlyFans og segist græða 150.000 Bandaríkjadali á mánuði fyrir myndirnar, en það jafn­gild­ir tæp­um 20 millj­ón­um króna. Fram kemur að eiginmaður hennar sé sá sem tekur myndirnar.

Aðrir foreldrar barna í skóla barna þeirra eru þó ekki ánægðir með þessa fjáröflun.

Tiffany, sem er 44 ára gömul segir að þeir hafi reynt að nota það sem ástæðu til að fá að vísa börnum þeirra úr skólanum, eftir að aðgangur hennar var uppgötvaður um seinasta sumar.

„Sumar konur í nágrenninu prentuðu myndir sem ég setti á OnlyFans og sendu skólastjóranum í skóla barnanna.“ Sagði konan.

„Við, vorum kölluð ljótum nöfnum. Þau sögðu að athæfi mitt væri óviðeigandi, ógeðslegt, hræðilegt og að börnin mín ættu að vera rekin!“

Hún segir að skólastjórinn hafi ákveðið að gera ekkert í málinu.