Kona segir frá því hvernig hún náði fram hefnd gegn fyrrverandi kærasta sínum og konunni sem hann hélt framhjá henni með.
Jade Purvis segir frá þessu í myndbandi á TikTok.
„Við vorum saman í þrjú ár þegar hann keyrði í rúmlega 300 kílómetra til að halda framhjá mér með stelpu sem hafði verið með kærasta sínum í fimm og hálft ár,“ segir hún.
En í stað þess að hætta bara með kærastanum þá ákvað Jade að skemmta sér aðeins í leiðinni.
„Kærasti [konunnar sem hann hélt framhjá mér með] og ég ákváðum að ná fram hefndum. Hann keyrði í 300 kílómetra til að hitta mig. Og hefur ekki farið síðan. Það var fyrir sjö árum síðan. Við höfum verið gift í fjögur ár. Ég held að við vinnum,“ segir hún og deilir mynd af sér og eiginmanni sínum á brúðkaupsdaginn.
@jadepurvis53revenge 🙋🏼♀️ #ihopeshecheats #ASOSinthebag #wishuponastar #revenge #bye
Saga hennar hefur vakið mikla athygli, sérstaklega hjá fjölmiðlum á Spáni. En breskir miðlar, eins og The Sun og Daily Mail fjalla einnig um málið.
Jade segir betur frá gangi mála í öðrum myndböndum. Hún segir að konan sem kærasti hennar hélt framhjá henni með hafi haft samband við hana og látið hana vita af því sem væri í gangi. Í kjölfarið vingaðist Jade við kærasta konunnar og sagði honum sannleikann. Eitt leiddi af öðru og þau urðu ástfangin.
